মুখ্য পৃষ্ঠা
06/04/25
16:11
মৰমৰ প্ৰিয়া ,
বহুদিনৰ পিচত তোমালৈ আজি উজাগৰে একলম লিখিবলৈ বহিছো | কেনে আছা বাৰু তুমি ?
প্ৰিয়া ,মোৰ ভেকুঁৰে ধৰা আন্ধাৰ কোঠাটোলৈ এতিয়া জোনাক নামিছে |চোতালত অলেখ জোনাকী |পদূলি মুৰত দুপৰ নিশাত সংগোপনে ফুলিছে শুভ্ৰ শেৱালী জোপা | নাৰিকল পাতৰ আগেৰে উমলি পৰা নিয়ৰ কনা বোৰ ,মোৰ ভগ্ন পজাৰ বাধা নমনাকৈয়ে মজিয়াত পৰিছেহি | এয়া যে আমাৰ একালৰ দুয়োৰে প্ৰিয় ঋতু শৰৎ | তুমি হয়তো পাহৰি গ'লা সুখৰ কাৰেংঘৰত তলসৰা শেৱালী বুটলা দিনবোৰ |দোকমোকালিতে মোৰ পদুলিত যে তুমি শেৱালী বুটলিছিলি ,আৰু মই নিয়ৰ কনা বোৰ তোমাৰ দুগালত চতিয়াই দিছিলো |তোমাৰ বাৰু মনত আছেনে ?তোমাৰ লাজত ৰঙা দুগাল মোৰ বৰ ভাল লাগিছিল |আৰু আজি সেই ভাল লগাই মোক তিলে তিলে শেষ কৰি আহিছে |যন্ত্ৰণাত উচুপি কান্দিছো বহুতো উজাগৰি ৰাতি |তোমাৰ বাৰু মোলৈ এবাৰো মনত নপৰেনে ?
প্ৰিয়া ,তোমাৰ হাতত ধৰি শাৰদীয়া দুৰ্গা পূজা চোৱাৰ সপোন আজি মোৰ নাই |সকলো শেষ হ'ল মোৰ তোমাৰ বাবে |
প্ৰিয়া ,আৰুনো কি লিখো ?থাকক দিয়া |তোমাক আৰু আমনি নকৰো |সময় পালে তোমাৰ কুশল বতৰা জনাবা |মই অপেক্ষা কৰিম তুমি এৰি যোৱা নৈ ঘাটত কহুঁৱা ফুলৰ দেশত ৰৈ |
প্ৰান্তত
তোমাৰ এদিনৰ মই
© ৰাজু কলিতা
22/10/14
